將軍澳 海茵莊園 Manor Hill
室內設計 装修 傢俬訂造

Media coverage

媒體報道

目錄

將軍澳 海茵莊園 Manor Hill 室內設計 装修 傢俬訂造

作為地少人多嘅香港,發展商好多都用左劏戶則嘅間隔,雖然面積唔大,但好在就係樓底高,可以用閣樓形式,令你嘅空間倍增。今次為大家介紹海茵莊園,面積284呎,係一房間隔嘅單位。

將軍澳 海茵莊園 Manor Hill 室內設計 装修 傢俬訂造

由於今次只有戶主一人居住,而且係男仔,所以設計師就為戶主打造工業風。工業風有一個特別嘅地方,就係比人感覺比較剛強啲,例如工業風嘅用色比較強多用灰色,黑色為主,會比人一種型格Cool啲嘅感覺。而材質都會用上好多嘅金屬,正如今次嘅單位,整個單位都用上灰色為主色,比人一種沉穩嘅感覺, 而且,牆身有一種水泥牆視覺質感,更帶出到工業風嘅粗糙感。

將軍澳 海茵莊園 Manor Hill 室內設計 装修 傢俬訂造

客廳方面,為左電視櫃嘅牆身無咁沉悶,設計師係電視牆用上黑色條子,再加上室外嘅陽光照入單位,光與影嘅合作下,令到牆身變身一個特色牆。

將軍澳 海茵莊園 Manor Hill 室內設計 装修 傢俬訂造

而今次單位嘅特點之一,就係戶主希望單位採光度更好,而設計師係房間做左啲心絲,設計師將房間打造成半開放式,令到房間更有透明度,壓迫感亦減少,同時可以令房間同客廳都有更好嘅採光度。設計師知道戶主都擔心私隱度嘅問題,所以都用左智能霧化玻璃,令玻璃變成啞光,增加私隱度。

將軍澳 海茵莊園 Manor Hill 室內設計 装修 傢俬訂造

好多時設計師為左有更多儲物空間,會係閣樓嘅樓梯打造成櫃桶。但由於戶主係一人居住,所以儲物需求都不大。設計師為左房間更有空間感,樓梯位特別用左鐵片嘅形式打造,令空間嘅線條更簡約,營造出無拘無束嘅感覺之餘,亦呈現到工業風嘅感覺。

將軍澳 海茵莊園 Manor Hill 室內設計 装修 傢俬訂造

為左解決戶主工作上嘅需要,設計師特意將係房間打造左一個工作空間,由於房間係半開放式設計,設計師為左房間望落更整潔,用左半腰櫃取代左高身櫃,令到工作空間不受陽光嘅阻擋,令整個氛圍更精神。加上層架同滲光燈嘅配合,可以帶出層架嘅延伸錯覺,同時亦有補充光源嘅作用。