香港仔 晉環 Southland
室內設計 装修 傢俬訂造

Media coverage

媒體報道

目錄

香港仔 晉環 Southland 室內設計 裝修工程 訂造傢俬

香港作為一個已發展城市,就算去到郊區都會見到好多高樓大廈,就好似走唔出依個石屎森林一樣。今日就想介紹一下晉環依個單位,設計師用左現代風格營造舒適嘅自然環境。

香港仔 晉環 Southland 室內設計 裝修工程 訂造傢俬

相信好多人都比較喜歡统一風格,但作為一個多元化嘅香港,風格上亦都會有所改變,正如今次嘅單位,戶主想單位用現代風格,營造舒適純淨的氣息。設計師就係單位用上大地色系,主要用上杏色同白色作混合,形成一個放鬆環境。

香港仔 晉環 Southland 室內設計 裝修工程 訂造傢俬

設計師為左係視覺上都有一個放鬆嘅效果,係置物櫃嘅邊位,都用上孤形的線條設計,令到視覺上柔和,亦帶俾人一種現代時尚嘅感覺。而係置物櫃嘅後方加入左滲光燈,一直延伸至電視櫃,令到整個廳嘅層次感更豐富。同樣係梳化背牆用左孤形嘅線條,成為一幅大型嘅特色牆,亦為睡房同廳嘅區域做左一個分隔。

香港仔 晉環 Southland 室內設計 裝修工程 訂造傢俬

主人房方面,設計師為左營造一個舒適環境,並沒有用上多餘嘅裝飾。係房間入面用左统一嘅色調,同一啲簡單凹凸線條,襯托出現代風格的乾淨俐落。而床尾嘅部分,放左層架,再加上滲光燈,令視覺上嘅時尚感有所提升。

香港仔 晉環 Southland 室內設計 裝修工程 訂造傢俬

另外兩間嘅睡房就俾不同年齡嘅小朋友訓,係高架床依個房間,就係比年紀較大嘅小朋友。因為小朋友都愈來愈大,擁有自己嘅衣服或者物品都愈黎愈多,所以設計師用左高架床形式,比小朋友可以有舒適睡眠區域,同時亦唔會因為放左床之後,影響到收納地方唔夠用。

香港仔 晉環 Southland 室內設計 裝修工程 訂造傢俬

而另一間房間係比年紀仲細嘅小朋友用,考慮到年紀嘅問題,房間都唔會採用高床嘅設計,因為都擔心安全嘅問題。而係房間牆頭位置,用左一啲木柱做裝飾,主要係令到房間唔會咁沉悶,溫和嘅木色可以比小朋友更溫暖嘅感覺,而木柱可以比小朋友更好嘅觸感效果。